Siz, qaysi mamlakat qayerda joylashganligini bilasizmi? Ushbu mamlakatlarning poytaxtlari, bayroqlari haqida ma’lumotga egamisiz? Unday bo’lmasa sira xafa bo’lmang, chunki ushbu o’yin orqali siz o’z bilimlaringizni sinab ko’rish imkoniyatiga ega bo’lasiz. Ushbu o’yindan maqsad barcha mamlakatlarni topish va ularga tegishli bo’lgan poytaxtlar va bayroqlarni aniqlashdir. Sizning e’tiboringizga 3 xil rangdagi bosqichlar havola etilgan: moviy rang, olov rang va feruza rang (pastdagi tugmachalar). Agar siz xarita orqali mamlakatni topmoqchi bo’lsangiz, moviy rang tugmachani bosasiz va sizga kerakli qit’ani tanlaysiz, poytaxtni topmoqchi bo’lsangiz olov rangli tugmachani tanlaysiz, bayroqni topmoqchi bo’lsangiz feruza rangli tugmachani tanlaysiz. Har bir ob’ektni qidirish uchun (mamlakat, poytaxt, bayroq) 20 soniya vaqt ajratiladi. Siz berilgan 20 soniya vaqt ichida barcha savollarga javob berishga ulgura olmasangiz yoki noto’g`ri javob bersangiz, kompyuter siz qidirayotgan ob’ekt qayerda joylashganligini o’zi sizga ko’rsatib beradi.