Kamchatkadagi Shiveluch vulqonidan otilgan kul dengiz sathidan 9 ming metr balandlikgacha sochildi, deb xabar berdi Ria.ru nashri. 

"Seshanba kuni kechqurun Kamchatkadagi Shiveluch vulqonidan 9 ming metr balandlikgacha kul sochildi. Vulqonning balandligi 3283 metrni tashkil etadi”, deb xabar berdi FVVning hududiy boshqarmasi. Shamol yo`nalishi kulni 36 kilometrgacha tarqatdi. Kul aholi yashovchi punktgacha etib bormadi. Vulqon otilishi tufayli mazkur hududga sayyohlarning kirishi taqiqlandi.

Shiveluch — Kamchatkaning shimoliy qismida joylashgan vulqon bo`lib, u Klyuchi qishlog`idan 45 kilometr uzoqlikda joylashgan. Shiveluch dengiz sathidan 3283 metr balandlikda joylashgan. Vulqon 2009 yilning bahoridan beri otilib, portlovchi xususiyatga ega.

Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing! Maqolani foydali yoki qiziqarli deb hisoblasangiz ijtimoiy tarmoqlardagi do`stlaringizga matnni belgilab tavsiya qiling!