Muxriddin Avezov
![](http://img.uz/d/2017/12/5a2c2c6fd81f6.jpg)
Geografiya
fanining ijtimoiy nufuzini, o’quvchilarning mazkur fanga bo’lgan qiziqishlarini
yanada oshirish, zamonaviy geografik bilimlarni targ`ib etishning eng yaxshi va
samarali usullari – bu fan bo’yicha yangi Davlat ta’lim standartlari va o’quv dasturlari,
darsliklar, o’quv hamda o’quv-uslubiy qo’llanmalar tayyorlab, chop etishdir. Respublikamizda
bugungi kunda geografik bilimlarni keng kitobxonlar ommasiga yetkazish, geografiya
va uni o’qitish metodikasiga oid ana shunday betakror qo’llanmalar muallifi Muxriddin Avezovdir.
M.Avezov 1994-yil 26-iyulda Buxoro viloyati Qorako’l shahrida tug`ilgan. 2000-yilda Qorako’l tumanidagi 20-umumiy
o’rta ta’lim maktabining birinchi sinfiga qabul qilingan. Maktabda o’qish davrida
M.Avezov ta’lim jarayonidagi namunali xulqi va a’lo o’qishi tufayli maktab ma’muriyati
va Qorako’l tuman XTBning 10 dan ortiq maqtov yorliqlari bilan mukofotlangan. Shu
bilan birgalikda, 2008 yilda «Siz qonunni bilasizmi?» respublika ko’rik-tanlovining
tuman va viloyat bosqichlarida o’zi tahsil olgan maktab sharafini munosib himoya
qilgan. 2008-2009 o’quv yilida maktab o’quvchilari o’rtasida o’tkazilgan fan olimpiadasida
«Geografiya» fani bo’yicha qatnashib, olimpiadaning 1- va 2-bosqichlarida 1-o’rinni,
3-viloyat bosqichida esa faxrli 2-o’rinni qo’lga kiritgan.
M.Avezov
2009 yilda maktabni imtiyozli shahodatnoma bilan tugatgach, Qorako’l maishiy xizmat
kasb-hunar kollejida o’qishini davom ettirdi. 2009-2010 o’quv yilida akademik litsey
va kasb-hunar kollejlari o’quvchilari o’rtasida o’tkazilgan respublika fan olimpiadasining
«Geografiya» yo’nalishi bo’yicha 1-, 2- va 3-bosqichlarida faxrli 1-o’rinni qo’lga
kiritdi. 2010-2011 o’quv yilida viloyat hokimi stipendianti bo’ldi. 2010-yilda
«Yosh iste’molchi» respublika ko’rik-tanlovining 1- va 2-bosqichlarida g`oliblikni
qo’lga kiritib, 1-darajali diplom bilan taqdirlangan. 2011-yilda O’zLiDeP tomonidan
ta’sis etilgan «Ishbilarmon o’quvchi –
2011» ko’rik-tanlovida 2-darajali diplom bilan taqdirlangan. 2010-2011-o’quv
yilida akademik litsey va kasb-hunar kollejlari o’quvchilari o’rtasida o’tkazilgan
respublika fan olimpiadasida «Geografiya» fani bo’yicha qatnashib, 1-, 2- va 3-bosqichlarda
faxrli 1-o’rinni qo’lga kiritgan va 2011-2012 o’quv yilida to’g`ridan-to’g`ri fan
olimpiadasining 3-viloyat bosqichida ishtirok etish huquqini beruvchi yo’llanmani
qo’lga kiritgan. Xuddi shu yili «Kelajak ovozi – 2011» respublika ko’rik tanlovining
«Amaliy san’at» yo’nalishida qatnashib, 1- va 2-bosqichlarda 1-o’rin, 3-bosqichda
esa 3-o’rin sohibi bo’lgan. M.Avezov 2011-2012 o’quv yilida akademik litsey va kasb-hunar
kollejlari o’quvchilari o’rtasida o’tkazilgan respublika fan olimpiadasida «Geografiya»
fani bo’yicha qatnashib, 1-, 2- va 3-bosqichlarda faxrli 1-o’rinni qo’lga kiritgan
va yakuniy 4- (respublika) bosqichda faol ishtirok etgan. A’lo o’qishi va namunali xulqi, jamoat ishlaridagi faol ishtiroki
uchun bir necha bor kollej ma’muriyati tomonidan maqtov yorliqlari, diplom hamda
esdalik sovg`alari bilan mukofotlangan. 2011-2012-o’quv yilida kollej o’qituvchi-murabbiylari
o’rtasida o’tkazilgan so’rovnoma natijalariga ko’ra «Eng bilimdon yigit» va «Yilning
eng jamoatchi o’quvchisi» nominatsiyalarida g`olib deb topilgan.
2012-yilda
kollejni «a’lo» baholarga tugatgan Muhriddin o’z hujjatlarini Mirzo Ulug`bek nomidagi
O’zbekiston Milliy universiteti Geografiya fakultetiga topshiradi hamda shu fakultetning
5440600–«Geografiya» ta’lim yo’nalishiga davlat granti asosida talabalikka qabul
qilinadi. M.Avezov 2012-2013-o’quv yilida oliy ta’lim muassasalari talabalari o’rtasida
o’tkazilgan respublika fan olimpiadasining 1-bosqichida «Geografiya» fani bo’yicha
qatnashib, faxrli 3-o’rinni qo’lga kiritgan. 2013-2014-o’quv yilida oliy ta’lim
muassasalari talabalari o’rtasida o’tkazilgan respublika fan olimpiadasining 1-bosqichida
«Geografiya» fani bo’yicha qatnashib, faxrli 1-o’ringa, yakuniy 2-bosqichda ham
1-o’ringa sazovor bo’lgan hamda
Oliy va o’rta maxsus ta’lim vazirining 1-darajali diplomi bilan taqdirlangan. M.Avezov 2013-yilda O’zbekiston Respublikasi Oliy va o’rta maxsus ta’lim vazirligi
hamda O’zbekiston Milliy universiteti buyurtmasiga binoan suratga olingan «Katta
hayot ostonasida» nomli qisqa metrajli filmda bosh rolni ijro etgan. Shu bilan birgalikda
u respublika Milliy teleradiokompaniyasi teleradiokanallarida efirga uzatiladigan
bir nechta loyihalarda o’z chiqishlari bilan faol ishtirok etib keladi. Jumladan,
2014-2016-yillarda
haftaning har juma kuni FM 87,9 «Toshkent radiosi» orqali
soat 11:05 hamda 19:05 da efirga uzatiladigan «Joy nomlari – tarix ko’zgusi» sahifasining
doimiy ishtirokchisi. M.Avezov 2014-yilda Respublika miqyosida o’tkazilgan «Globallshuv jarayonida geografiya:
muammo va yechimlar» mavzuidagi, 2015-yilda
esa «Zamonaviy geografiya va O’zbekiston tabiiy-resurs
potensialini baholash» mavzuidagi iqtidorli talabalar
va yosh olimlarning ilmiy-amaliy konferensiyalarida eng yaxshi maqola muallifi deb
topilgan hamda universitet faxriy yorliqlari bilan taqdirlangan. 2015-yil 20-mayda
esa Nizomiy nomidagi TDPU da bo’lib o’tgan «Geografiya fani va ta’limining zamonaviy
muammolari» mavzuidagi iqtidorli talabalar va yosh olimlarning ilmiy-amaliy konferensiyasidagi
faol ishtiroki va dolzarb mavzudagi ma’ruzasi uchun sertifikat bilan taqdirlangan.
M.Avezov Respublika va xalqaro miqyosda o’tkazilgan 25 ga yaqin konferensiyalarda
o’z ma’ruzalari bilan ishtirok etgan.
Muxriddin Avezov 2016-yilda universitetni imtiyozli diplom bilan tugallab,
yo’llanma asosida o’z pedagogik faoliyatini Toshkent shahridagi 278-DIUMda olib
bordi. Shu bilan birgalikda u O’zbekiston Respublikasi Xalq ta’limi vazirligi Respublika
Ta’lim markazi tomonidan kompetensiyaviy yondashuvga asoslangan Davlat ta’lim standarti
va o’quv dasturini yaratish bo’yicha shakllantirilgan ishchi guruh hamda Respublika
Ta’lim markazining Ilmiy-metodik Kengashida a’zo sifatida munosib ishtirok etdi.
Bu borada ko’rsatgan xizmatlari uchun M.Avezov Xalq ta’limi vazirligi va Respublika
Ta’lim markazining faxriy yorliq hamda tashakkurnomalari bilan taqdirlangan. U
2017-yilda Toshkent shahar Olmazor tumani xalq ta’limi bo’limi tomonidan mamlakatimiz
mustaqilligining 26 yilligi arafasida ta’lim sifatini yuqori darajaga ko’tarishga,
yosh avlodni yuksak ma’naviyatli, mustahkam irodali qilib tarbiyalashga qo’shayotgan
munosib hissasi va fidokorona mehnati uchun faxriy yorliq bilan taqdirlangan. M.Avezov
joriy 2017-yilda nashr etilgan 6-, 7- va 10-sinf «Geografiya» darsliklarining taqrizchisi
va ular uchun tayyorlangan metodik qo’llanma hamda multimedia ilovalarining hammuallifidir.
![](http://img.uz/d/2017/12/5a2c2acd968b5.jpg)
Hozirda
u Geologiya va geografiya fakulteti 5A140602-»Geografiya (o’rganish obyektlari bo’yicha)»
yo’nalishi magistranti. Mana 4 yildirki fakultetning
Geografiya kafedrasi qoshida tashkil etilgan «Geograf-o’lkashunos» to’garagi sardori.
Bugungi kunga qadar M.Avezovning 60 ga yaqin ilmiy ishlari, jumladan, «Geografiya: 2500 savolga 2500
javob» (2014), «Tabiiy geografiyadan amaliy mashg‘ulotlar» (2015),
«Geografiyadan fan bellashuvlariga tayyormisiz?» (2016), «Geografiyadan
savol-javoblar to‘plami (1-kitob)» (2017), «Vobkent tumani toponimlari» (2017) nomli monografiya,
o’quv va o’quv-uslubiy qo’llanmalari hamda xalqaro va respublika miqyosidagi ilmiy-amaliy
konferensiyalar materiallari to’plamlari va ilmiy jurnallarda 55 dan ortiq ilmiy va ilmiy-uslubiy maqolalari chop etilgan. M.Avezov 2016-yildan buyon «Maktabda
geografiya» jurnali tahrir hay’ati a’zosi.
Muxriddin
Avezov hozirda ustozi – geografiya fanlari
nomzodi, dotsent, O’zbekiston Respublikasi xalq ta’limi a’lochisi Mirali
Mirakmalovning ilmiy rahbarligida «Arid iqlimli hududlar toponimlari
va ularning shakllanishida tabiiy geografik terminlarning roli (Buxoro viloyati
misolida)» mavzusida
ilmiy izlanishlar olib bormoqda.
![](http://img.uz/d/2017/12/5a2c2d21e3a19.jpg)
![](http://img.uz/d/2017/12/5a2c2d6d5da65.jpg)
![](http://img.uz/d/2017/12/5a2c2da14132a.jpg)
Поделитесь ссылкой с друзьями выделив текст.
Заметили ошибку, тогда выделите ошибочный текст и нажмите клавишы CTRL + ENTER.