Geografiya fanidan savol-javoblar to‘plami
Mamlakatimizda ro‘y
berayotgan ijtimoiy-iqtisodiy o‘zgarishlar butun dunyoda ro‘y berayotgan o‘zgarishlar
bilan "Sanoatlashgan jamiyatdan axborotlashgan jamiyat sari!” shiori ostida hamohang
bo‘lib bormoqda. Uchinchi ming yillik boshlanishida dunyo iqtisodiyotining globallashuvi,
axborot tizimlarining barcha sohalarga chuqur kirib borishi, ma’naviy qadriyatlardagi
o‘zgarishlar, fuqoralik jamiyatining rivojlanishi hozirgi tez o‘zgarayotgan tahlikali
zamonga yoshlarimizning moslashishi uchun uzluksiz ravishda tayyorlashni taqozo
etmoqda. Shunga ko‘ra, "Ta’lim hayot uchun!” degan shior o‘rnini "Ta’lim butun hayot
davomida!” shiori egallab bormoqda. Yangi chaqiriqlarning paydo bo‘lishi ta’limda
takomillashtirishishlarini olib borishni taqazo qildi. Jumladan, geografiya fani yo‘nalishida ham qo‘shimcha adabiyotlarning yangi avlodini
ishlab chiqish zaruriyati tug‘ildi. Barchamizga o‘zining "Geografiya:
2500 savolga 2500 javob”, "Tabiiy geografiyadan amaliy
mashg’ulotlar”, "Geografiyadan fan bellashuvlariga tayyormisiz?”nomli qo’llanmalari bilan yaxshi tanish bo‘lgan Muxriddin Avezov tomonidan
tayyorlangan navbatdagi "Geografiya fanidan savol-javoblar to‘plami
(1-kitob)” nomli o‘quv qo‘llanma geografiya o‘qituvchilariga ular tashkil
etayotgan dars jarayonini yanada qiziqarli o‘tishiga, o‘quvchilarga esa dars davomida
egallagan bilim, ko‘nikma va malakalarini mustahkamlashga yaqindan yordam beradi.Mazkur qo‘llanma
o‘rta umumta’lim maktablari, akademik litsey va kasb-hunar kollejlarida faoliyat
yuritayotgan geografiya fani o‘qituvchilari hamda geografiya fani yo‘nalishida fan
bellashuvlarida ishtirok etuvchi o‘quvchilarga, ayniqsa, oliy o‘quv yurtlariga kirish
imtihonlariga tayyorgarlik ko‘rayotgan abituriyentlarga mo‘ljallangan bo‘lib, tarkiban
So‘zboshi va uch qismdan iborat. Uning birinchi qismi"5-sinf. Tabiiy geografiya boshlang‘ich
kursi bo‘yicha savol-javoblar” deb nomlangan bo‘lib, bunda 500 dan ortiq
savol-javoblar berilgan. Ikkinchi qismi" 6-sinf Materiklar va okeanlar tabiiy geografiyasidan
savol-javoblar” deb nomlanib, unda 1500 dan ortiq savollar va ularning javoblari
keltirilgan. Uchinchi qismi "7-sinf. O‘rta Osiyo va O‘zbekiston tabiiy geografiyasi
kursi bo‘yicha savol-javoblar” deb nomlangan bo‘lib, bunda kursga doir
1100 dan ortiq savollar va ularning javoblari berilgan. Umuman, qo‘llanma 3200 dan
ortiq savol-javoblarni o‘zida jamlagan.
O’ylaymizki, ushbu qo‘llanma ham muallifning boshqa
qo’llanmalari singari keng kitobxonlar ommasi tomonidan iliq kutib olinadi va,
albatta, ularning yozgi ta’tillarini maroqli o‘tishiga xizmat qiladi.
Murojaat uchun telefon:
(+998 94) 547-78-18
