15-fevral - Fransiyaning Menton shahrida Limonlar festivali
Menton shahrida Limonlar festivali (Menton Lemon Festival) o‘tkaziladi, unga yuz minglab ishtirokchilar yig‘ilishadi. Bayram har yili fevral oxirida boshlanib, ikki hafta mobaynida davom etadi. Mentonning limonlari, so‘zsiz, limonlar ichida qiroli hisoblanadi.Fransuz hududining iliq muhiti yil bo‘yi limonlarni o‘stirishga imkon beradi. Limonlardan uch marta hosil olinadi, eng katta hosil - mart-aprelda. Mentonning eng boy hosil olish mavsumiga tayyorgarlik ko‘rish paytida shu festivalni o‘tkazish o‘ylab topilgan.Bu bayramga tayyorgarlik ko‘rish uchun 130 tonna mazali sitrus mevalardan ishlatiladi. Menton eng antiqa haykallarni limonlar, apelsinlar va greypfrutlar bilan bezatadilar. Bir necha kunlar ichida bu yerda apelsindan qasrlar, limonlardan ertak qahramonlari va ulkan iste’mol qilinadigan daraxtlar paydo bo‘ladi.Sohil bo‘ylab sitrus mevalar va gullar bilan bezatilgan oltin mevalarning tantanali yurishi o‘tkaziladi. Barcha xohlovchilar uchun limonning yangi navlarini, "bayramning sariq qirolidan” tayyorlangan shirinlik va ichimliklarni ta’tib ko‘rishga taklif qilinadi. Har yili bu dabdabali va mazali shouga 200 dan 230 mingga yaqin sayyohlar keladilar.
15-fevral Xalqaro saratonga chalingan bolalar kuni
Xalqaro saratonga chalingan bolalar kuni. Kasallik birinchi yoki ikkinchi darajasida aniqlansa uni davolash nisbatan ijobiy kechadi. 15 fevral- Xalqaro saratonga chalingan bolalar kunini xar yili dunyo mamlakatlarining barchasida nishonlanadi. Bu sana birinchi bo‘lib taqvimda 2001-yilda Butunjahon saratonga chalingan bolalar ota-onalari birlashmasi tashabbusi bilan paydo bo‘ldi.(ICCCRO). Bugungi kunda saratonga chalingan bolalar kuni 40dan ortiq davlatlarda Xalqaro bolalar saratoni onkologlar jamiyati homiyligida o‘tkaziladi.Bugungi aksiyaning dolzarbligi ming afsuski, muammo bo‘lib o‘sib bormoqda. Tibbiyot statistikasiga ko‘ra, har yili dunyoda 200 mingdan ortiq bola saratonga chalinadi va ulardan yarmi vafot etadi. To‘g‘ri qo‘yilgan tashhis onkologiya kasalliklarini muvaffaqiyatli davolanishining asosiy omili hisoblanadi. Kasallik birinchi yoki ikkinchi darajada aniqlansa, u ko‘pincha ijobiy natijaga olib keladi.Biroq, saratonning o‘ndan bir qismi uchinchi darajada namoyon bo‘ladi, bemor bolalarning 8foizida faqatgina kasallikning to‘rtinchi darajasidagina tashhis ma’lum bo‘ladi.Onkolgiyaning murakkabligi shundaki bu kasallikning turlari 200ga yaqin va kasallik inson tanasining xoxlagan qismida boshlanishi mumkin. Yosh bolalarda asosan oqqon(leykimiya) kasalligi uchraydi.Tibbiyot va texnika rivojlangan mamlakatlarda hozirgi kunda saratonga chalingan bolalarning har to‘rttadan uchtasi tuzalmoqda. Rivojlanayotgan davlatlarda esa bu ko‘rsatkich boshqacha, aynan shunday davlatlarda saratonga chalingan bolalarning 80 foizi yashaydi.Bugungi kunda har bir oqko‘ngil inson qo‘ldan kelgan yordamini ko‘rsatmoqda.Har yili onkologik kasalliklar 100ming o‘smirlar orasida 12-15 tasida aniqlanmoqda.Davolanishning zamonaviy usullari orqali kasallangan bolalarning 70 foizini tuzalib ketishiga muvaffaq bo‘linmoqda.Vafot etganlarni ham saqlab qolish mumkin edi, lekin mablag‘, donor qoni va malakali tibbiyot yordami yetishmasligi sababli buning iloji bo‘lmagan. Shularni nazarda tutib,Xalqaro saratonga chalingan bolalar kuni faollari har bir imkoniyati bor va ko‘ngli ochiq insonlarni qo‘ldan kelgan yordamlarini ayamasliklarini: qon topshirish, xayriya fondiga yordam berish, ma’rifatparvarlik ishlarini olib borishga chaqiradilar. Rossiyaning ko‘p shaharlarida shu kuni xayriya fondlari va ko‘ngillilar kuchi bilan turli aksiya va bayramlar o‘tkaziladi. Ularning maqsadi- muammoning yechimiga insonlarni jalb qilishgina emas, bugungi kun tushkunlik kuni emas, balki bolalarning, ularning ota-onalarining, shifokorlarning va birovning kasalligiga befarq bo‘lmagan barcha insonlarning saraton ustidan qozonilgan g‘alabasi ekanligini ko‘rsatishdir.
Foydalanilgan manbalar:
