Orolbo’yi mintaqasini tiklash
O’zbekiston Respublikasi Vazirlar Mahkamasining 2015 yilning 29 avgustidagi 255-sonli "2015-2018 yillarda
Orolbo’yi mintaqasini tiklash va ijtimoiy-iqtisodiy rivojlantirish, Orol halokatining
oqibatlarini yengillashtirish Kompleks chora-tadbirlar dasturi to’g`risida”dagi
Qarori qabul qilindi, ushbu qaror 7-sentyabrdan kuchga kirdi.
O’tgan yillar davomida Orol dengizi fojeasini oldini
olish, mintaqadagi vaziyatni yumshatish maqsadida qator chora tadbirlar amalga oshirildi.
Buning natijasida oz bo’lsada vaziyatni o’nglashga, hududdagi aholining turmush
darajasini yaxshilashga erishilmoqda.
O’zbekiston Respublikasi Vazirlar Mahkamasining 2015-yilning 29-avgustida 255-sonli "2015-2018-yillarda Orolbo’yi mintaqasini tiklash va
ijtimoiy-iqtisodiy rivojlantirish, Orol halokatining oqibatlarini yengillashtirish
borasidagi Kompleks chora-tadbirlar dasturi to’g`risida”dagi Qarori qabul qilindi
hamda ushbu qaror joriy yilning 7-sentyabridan kuchga kirdi.
Ta’kidlash lozimki, Hukumatning mazkur qarori, Orol dengizidagi ekologik falokatning
zararli oqibatlarini oldini olish hamda Orol bo’yi mintaqasidagi ekologik
va ijtimoiy - iqtisodiy ahvolni barqarorlashtirishda xalqaro hamkorlikni
rivojlantirishni ta’minlashga qaratilgan kompleks chora-tadbirlarni ishlab
chiqish maqsadida qabul qilindi.
Qarorga ko’ra, O’zbekiston Respublikasi Iqtisodiyot vazirligi, Tashqi iqtisodiy
aloqalar, investitsiyalar va savdo vazirligi, Moliya vazirligi muammoga aloqador
vazirliklar va tashkilotlar bilan birgalikda, shuningdek, Orolni qutqarish xalqaro
jamg`armasi Ijroiya qo’mitasi, Orolbo’yi genofondini himoya qiluvchi xayriya
jamg`armasi tomonidan 2015-2018-yillarga mo’ljallangan Orol fojiasi oqibatlarining oldini olish va Orolbo’yi
mintaqasini ijtimoiy-iqtisodiy rivojlantirish va tiklashga qaratilgan kompleks chora-tadbirlar
dasturini amalga oshirilishi belgilab qo’yildi.
Mazkur kompleks chora-tadbirlar dasturining birinchi bandiga muvofiq:
- Orol fojiasining oqibatlarini yumshatish va Orolbo’yi mintaqasini qayta tiklashning
asosiy yondashuvlari va yo’nalishlari;
- Mintaqa suv resurslaridan tejamli va oqilona foydalanish tizimini takomillashtirishga
yo’naltirilgan kompleks chora-tadbirlar dasturi;
- Ekologik falokatli hududlarda yashovchi aholining genofondi va sog`lig`ini saqlab
qolish uchun qulay shart-sharoitlar yaratishga yo’naltirilgan chora-tadbirlar dasturi;
- Orolbo’yi aholisi turmush darajasini yuksaltirish uchun qo’shimcha daromad
manbaini shakllantirish va bandlikni oshirishga yo’naltirilgan chora-tadbirlar dasturi;
- Ekotizim va bioxilma-xillikni qayta tiklash, hayvonot va o’simlik dunyosini saqlab
qolishga qaratilgan chora-tadbirlar dasturi;
- Qoraqalpog`iston Respublikasining ijtimoiy-iqtisodiy rivojlantirishga qaratilgan
ishlab chiqarishni modernizatsiyalash va infrastrukturani takomillashtirishga yo’naltirilgan
chora-tadbirlar dasturi;
- Qoraqalpog`iston Respublikasida amalga oshirish uchun istiqbolli investitsiya loyihalarini
taklif etish;
- Xorazm viloyati ijtimoiy-iqtisodiy rivojiga qaratilgan ishlab chiqarishni modernizatsiyalash
va infrastrukturani takomillashtirishga yo’naltirilgan chora-tadbirlar dasturi ishlab
chiqilishi va amalga oshirilishi ko’zda tutiladi.
Kompleks chora-tadbirlar dasturini samarali amalga oshirilishi, imzolangan kelishuvlar
doirasidagi loyihalar, loyihaviy hujjatlarni qayta ishlash, moliyalashtirish ishlarini
o’z vaqtida amalga oshirish hamda jalb qilingan kredit va texnika vositalaridan
samarali foydalanishni ta’minlash vazifasi vazirliklar, tashkilotlar, xo’jalik boshqaruv
organlari, Qoraqalpog`iston Respublikasi Vazirlar kengashi, Xorazm viloyati hokimligi
zimmasiga yuklandi.
Qarorga binoan,O’zbekiston Respublikasi Iqtisodiyot vazirligi, Tashqi iqtisodiy
aloqalar, investitsiyalar va savdo vazirligi, Moliya vazirligi, Tashqi ishlar
vazirligi loyiha ijrochilari bilan birgalikda mazkur kompleks chora-tadbirlar dasturini amalga oshirish uchun xalqaro moliya institutlari va
xayriya tashkilotlarining texnik va moliyaviy vositalarini jalb qilishning takomillashgan
usullarini o’rganish va izlab topishi, shu bilan birga amalga oshirishi belgilab
qo’yildi.
Ta’kidlash lozimki, O’zbekiston Respublikasi Vazirlar Mahkamasi tomonidan qabul
qilingan mazkur qarorda kompleks chora-tadbirlar dasturini amalga oshirish vazifasi
hamda kadrlar bilan bog`liq masalalarni hal etishtashqi investitsiyalarni va texnik
vositalarni jalb qilish mazkur masalaga aloqador bir qator vazirliklar, tashkilotlar
va hokimliklarga yuklanishi qaror ijrosining samarali ta’minlanishida muhim ahamiyat
kasb etadi.
Tabiatni muhofaza qilish davlat qo’mitasi yuridik xizmati rahbari
B.G.Xajixanov
Foydalanilgan manbalar:
