Dunyoning eng ifloslangan shaharlari
Kimyo sanoati jadallik bilan rivojlanib bormoqda.
Ammo bu ekologiyaga juda ham salbiy ta’sir o’tkazmoqda. Sayyoramizdagi ayrim
shaharlar shu darajada ifloslanganki, sog`lom firklovchi inson u yerlarda yashamaydi.
Ammo ayrimlarning boshqa yo’li yo’q.
Vapi, Hindiston
Bu shahar ifloslanishi minglab sanoat korxonalarining faoliyati bilan bog`liq. Korxonalardan chiqayotgan
axlatlar odamlarni shaharda yashab bo’lmaydigan ahvolga olib kelgan. Yuz ming tonna
axlatlar, metallar, on minglab kasal insonlar shaharni katta axlatxonaga o’xshatib
qo’ygan. Ko’p sonli majruh va surunkali kassaliklar bilan tug`ilayotganlar
soni oshib borishi, shaharni yashash uchun yaroqsizligidan dalolatdir.
Linfen, Xitoy
Bronxit, o’pka saratoni, pnevmoniya va boshqa kasalliklar avj olgan shahar. Bularning
barchasiga shaharda faoliyat yuritayotgan toshko’mir saonati sababchisidir. Katta
hajmda atmosferaga chiqarib yuboriladigan zararli moddalar nafaqat havoni balki
ichimlik suvlarini ham zaharlamoqda.
La Oroya,
Peru
Bu shahar aholisining ko’p qismi qonda qo’rg`oshin borligi bilan og`rimoqda. Qo’rg`oshin markaziy
nerv tizimini buzilishiga, immunitetni tushib ketishi va saraton kasalligiga olib
keladi. La Oraya
shahrida AQSh kompaniyalari qo’rg`oshin,
rux va mis qazib olish bilan shug`ullanadi.
Dzerjinsk, Rossiya
Dzerjinsk Rossiyaning eng ifloslangan shahridir. Bu yerda taksinlar ko’rsatkichi
me’yordagi million barovar ortiq. Shaharda yuz
ming tonnalab kimyoviy axlatlar ko’milgan. Shahar havosi, suvi va tuprog`i
fenol va boshqa zararli moddalar bilan zaharlangan. Bu shaharda o’rtacha umr davomiyligi
45 yilni tashkil qiladi.
Norilsk,
Rossiya
Bleksmit instituti olimlari Norilskni dunyoda eng ifloslangan shaharlaridan biri
deya ta’kidladi. Tog`-kon sanoatining faoliyati oqibatida atmosferaga tonnalab
zararli moddalar chiqarib yuborilmoqda. Bu nafaqat aholining sog`lig`iga balkim,
shaharda qora qor, kislotali yomg`ir yog`ishiga olib kelgan. Norilsk deyarli yashash uchun yaroqsizligiga qaramay,
shaharda yuz minglab kishi istiqomat qiladi.
Kabve, Zambiya
Bu shahar Zambiyaning sanoat markazi hisoblanadi. Korxonalar faoliyati davomida
tonnalab zararli moddalar, taksinlar bilan atmosferani zaharlamoqda.
Gaina (Xayna), Dominika Respublikasi
Bu shahar Dominika Respublikasining g`arbida joylashgan. Shahar aholisining
yuz mingga yaqini qo’rg`oshin bilan zaharlangan.
Gaina shahri avtomobil uchun akkumlyator ishlab chiqarish bo’yicha jahonda birinchi
o’rinda turadi. Eskirib qolgan ishlab chiqarish jarayoni sababli atmosferaga
ko’plab zararli moddalar chiqib ketgan. Bularning barchasi aholida majruh
tug`ilishlarni, ruhiy va ko’z kasalliklarini ortishiga olib kelmoqda.
Foydalanilgan manbalar:
